E mihi kau ana ki te rangatira a Dorothy rātou ko Makaore, ko Rawiri e kawe ana tēnei kaupapa Manaiakalani hei tautoko ngā akoranga katoa o te ao matihiko, hei whakangungu ai taku hinengaro kia māmā ake, ki te torotoro atu ai ki te katoa o ngā tikanga ki roto i te pātaka kūkara mōku!
Ka mau te wehi! I anini pai taku hinengaro i te hāora tuatahi. Nā whai anō taku tino pōturi ki runga rorohiko. Ko tāku, ki āu anō, amohia te whakaaro kia puta ai te oranga mā aku ākonga o te akomanga Arohanui. Me whai ngā kaupapa kua wharikihia e Manaiakalani hei painga māku, ka mutu mā te katoa ō ā mātou ākonga ki te kura. Nā reira he kore mutunga ngā mihi ki te kaupapa.
Tēnā rā koutou
Anei te kaupapa
Time to reflect and share with colleagues.
Use these prompts to get you started- they connect back to our DFI goals
(NB: they are not intended as a set of comprehension questions!)
What did I learn that increased my understanding of Manaiakalani kaupapa and pedagogy?
What did I learn that could improve my confidence, capability or workflow as a professional?
What did I learn that could be used with my learners?
What did I learn that could improve my confidence, capability or workflow in my personal life?
He aha aku akoranga hei āwhina i taku mārama atu ki te ariā ako me te kaupapa o Manaiakalani?
He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi?
He aha aku akoranga kia tukua, kia tohaina atu ki āku ākonga?
He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro?
He maha ngā akoranga o roto i a mātou mahi i tēnei rā, auē, kei te kapua tonu au ahakoa tērā kei reira ngā mea katoa hei āwhina i a au.
Ko tāku me hoki atu, hoki atu kia mau tētehi mea au e ako ana kia mau, kia ū ki taku pīnati. Atu i tēnā me ako, me ako kia eke panuku ai.
I taka te kapa te wā i tukua mai e Dorothy tētehi pārongo e pā ana ki tētehi pukapuka ā ngā ākonga kia akohia pēwhea nei te whakahoki tika ā-mahi nei ki ngā kōpaki tika. Auē taukiri e! Ahakoa he māmā te mahi he uaua māku ki te tiro atu ki ngā mahi ia rā, ia rā a pukapuka nei, kia whērā tonu ki runga pukahiko. He wā roa kāre noa au kia tino whakaako ai aku ākonga. Taku hē, taku hē! Āe mārika, kua taka te kapa. Huroo!!! Kua puta atu ki te wheiao!!!
Nā reira me mihi anō ki ngā kai whakahaere o te kaupapa, koutou Makaore mā, korekore rawe e mutu ngā mihi!!!
Arā, koinā tētehi tirohanga māku hei whakawhanake i a au anō kia tino whakatika ngā kōpaki mahi ā tēnā ākonga, ā tēnā ākonga, kia kore wareware ki āku tahi. Kia hoki whakamuri au ki ngā mahi hei whakatika kia anga whakamua te katoa ō āku ake ākonga, mātou o te akomanga Arohanui!
